НАХУСТШУМОРАҲОИ "ДОСТОНИ РОҒУН" АЗ ЧОП БАРОМАД

Корзори Неругоҳи барқи обии "Роғун" дар бисёр шеъру таронаҳои шоирон тасвир ёфтааст. Вале ин мавзӯъро шоири пурғайрату ватансаро, барандаи Ҷоизаи адабии ба номи Мирзо Турсунзода Давлат Сафар дар манзумаи хеш "Достони Роғун" басо доманадор, бо ҷузъиёти ҷолибу хотирмон аз нақши беназири бунёдсози ин сохтмони бузурги аср, Пешвои миллат муҳтарам Эмомалӣ Раҳмон ба таври бадеӣ тасвир кардааст.

Китоб бо сарсухани директори Ҷамъияти саҳомии кушодаи "Роғун" Сафарзода Хайрулло Амиралӣ оғоз гардида, бо ҳуруфоти тоҷикӣ ва форсӣ дар шакли хеле зебо ва дилнишин ба зевари табъ ороста шудааст.