Сомонаи пешина | Яш, 14 Август 2022 / 18:08
ТОҶ     РУС     ENG

«Фарҳанг ҷавҳари ҳастии миллат аст»

Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам
Эмомалӣ Раҳмон

Ҳифзи ёдгориҳои таърихию фарҳангӣ ҳамчун мероси гаронбаҳои миллию умумибашарӣ- вазифаи инсонӣ ва шаҳрвандии ҳар яки мост. Биёед ин ганҷи пурқиматро чун гавҳараки чашм ҳифзу эҳё намоем, ба наслҳои оянда мерос гузошта, дар барқароркунии онҳо саҳми босазо гузорем.

Тантанаи Рӯзи Ваҳдати миллӣ дар Донишкадаи давлатии санъати тасвирӣ ва дизайни Тоҷикистон

22.06.2022.1Дар Донишкадаи давлатии санъати тасвирӣ ва дизайни Тоҷикистон рӯзи 20 июни соли равон ба истиқболи Рӯзи Ваҳдати миллӣ, бо иштироки доираи васеи устодону донишҷӯён ва меҳмонон ҷаласаи бошукӯҳ баргузор гардид.

Дар оғози чорабинӣ ректори донишкада, профессор, номзади илмҳои меъморӣ Ғанизода Ҷамшад Шуҷоат суханронӣ намуда, аҳли нишаст, мардуми кишварро бо Рӯзи Ваҳдати миллӣ, ҳамбастагию ҳамраъӣ самимона табрику муборакбод гуфта, таъкид кард, ки “Ҳама дастовардҳою пешравиҳои мамлакат дар тӯли 25 соли охир бо имзои созишномаи сулҳи мазкур вобастагии қавӣ дорад. Агар сулҳ барқарор намешуд, на танҳо таъсиси донишкадаи мо дар соли 2013 муяссар намегардид, балки тақдири минбаъдаи тамоми ҷумҳурӣ, тақдири давлати тоҷикон зери суол мемонд. Пас бояд ба қадри ин сулҳ, ин ваҳдату ҳамбастагӣ бояд расид.”-гуфт ректори донишкада.

Сипас, маърӯзаҳои мудири кафедраи забонҳо ва фанҳои гуманитарии донишкада, номзади илмҳои педагогӣ Субҳон Усмонов дар мавзуи “Ваҳдат – омили рушди мамлакат” ва омӯзгори кафедраи санъатшиносӣ Малика Қодирова дар мавзуи “Эмомалӣ Раҳмон–Асосгузори сулҳу ваҳдати миллии тоҷикон”пешкаши аҳни нишаст гардид, ки иштирокчиён бо мароқи беандоза маърӯзаҳои устодонро шуниданд.

Дар ин бора аз Донишкадаи давлатии санъати тасвирӣ ва дизайни Тоҷикистон иттилоъ доданд.

Марям Холиқзода
Маркази матбуоти Вазорати фарҳанг

22.06.2022.222.06.2022.3